స్టార్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు'(Illu illalu pillalu). ఈ సీరియల్ సోమవారం నాటి ఎపిసోడ్ -144 లో.... రామరాజు, వేదవతిల దగ్గరికి శ్రీవల్లి వస్తుంది. ఒకే ముహూర్తానికి రెండు జంటలకు శోభనం జరగకూడదంట అత్తయ్య గారూ.. అలా చేస్తే.. ఇంట్లో అశుభం జరుగుతుందట.. అలా జరిగితే కొత్త కోడలు వచ్చింది అందుకే ఇలా జరిగిందని నలుగురూ నాలుగు రకాలు నన్ను ఆడిపోసుకుంటారు. ఆ నిందను నేను మోయలేను. ఇది నా ఇల్లు.. ఈ ఇంట్లో వాళ్లంతా నా వాళ్లు.. నా వాళ్లంతా ఎప్పుడూ సంతోషంగా ఉండాలి.. నా వాళ్లకి ఏదైనా జరిగితే.. నేను తట్టుకుని బతకలేనండీ.. అందుకే మా శోభనం జరక్కపోయినా ఏం పర్లేదు. ఈ కుటుంబం సంతోషంగా ఉండాలి.. అదే నేను కోరుకునేది.. అందుకే మా శోభనం వాయిదా వేసేసి.. నర్మద చెల్లికి సాగర్ మరిది గారికి శోభనం జరిపించేయండి’ అంటూ తెగ జీవించేస్తుంది శ్రీవల్లి. తాను చెప్పాల్సింది చెప్పేసి అక్కడ నుంచి వెళ్ళిపోతుంది. ఇక రామరాజు, వేదవతి ఇద్దరు ఆలోచనలో పడతారు.

కాసేపటికి రామరాజు, వేదవతిల దగ్గరికి నర్మద వచ్చి.. పెద్ద బావ గారి శోభనం జరిపచండి.. ఇన్ని రోజులు ఆగాం కదా ఇంకొన్ని రోజులు ఆగుతామని చెప్పేసి వెళ్తుంది. ఆ మాట విని నా కోడలు బంగారం అంటూ వేదవతి మురిసిపోగా, రామరాజు సంతోషిస్తాడు. ఇక కాసేపటికి శ్రీవల్లి మల్లెపూలు పెట్టుకొని పాలగ్లాస్ తో గదిలోకి వెళ్తుంది కానీ చందు మాత్రం తమ్ముడి శోభనం ఆగిపోయిందని డిస్సపాయింట్ గా ఉంటాడు. ఇక అది చూసి శ్రీవల్లి రివర్స్ డ్రామా ప్లే చేస్తుంది. నా భయాలు నాకు ఉంటాయి బా.. ఈ శోభనం తరువాత.. మన కుటుంబానికి ఏదైనా జరిగితే ఏంటి పరిస్థితి. మనకి వద్దు.. మీ తమ్ముడికే కార్యం జరిపించమని చెప్పాను కదా.. నా మనసులో అంత కుట్ర ఉంటే.. మన శోభనం జరిపించమనే అనేదాన్ని కదా. మరెందుకు వాళ్ల శోభనం జరిపించమని అత్తమామల్ని అడుగుతానూ. నర్మద నా తోబుట్టువు లాంటిది. తను బాగుండాలని కోరుకుంటాను కానీ.. తనని ఎందుకు బాధపెట్టాలని అనుకుంటాను బావా. ఇంత చిన్న విషయానికి ఇంత అపార్థం చేసుకున్నారంటే.. ముందు ముందు ఇంకెంత అపార్థం చేసుకుంటారో.. ఏంటో నా తలరాతి.. ఇలా తగలడిందని శ్రీవల్లి ఏడుస్తుంది. 

వల్లీ ఏడవొద్దు.. నేనేం అనలేదు కదా.. అని భుజంపై చేయి వేసి ఓదార్చుతాడు చందు. హమ్మయ్యా నా కన్నీళ్లకి బాగానే కరిగిపోయాడులే అని శ్రీవల్లి అనుకుంటుంది. ఇక మ్యూజిక్ స్టార్ట్ అవుతుంది. కానీ శోభనం జరిగినట్టు చూపించలేదు. మరోవైపు నర్మద, సాగర్ లు గదిలో ఉంటారు. ఓ ముద్దు లేదు.. ముచ్చట లేదని సాగర్ బాధపడుతుంటే శోభనం లేదని చెప్పాను కానీ ముద్దు ముచ్చట వద్దని ఆపలేదు కదా అని నర్మద అంటుంది. దాంతో సాగర్ ఫుల్ ఖుషీ అయిపోతాడు. ఇంతలో వాళ్ళ గది డోర్ ఎవరో కొట్టిన శబ్దం వినిపిస్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.